Kalaallit oqaasiini Upernaviup isumaa tassaavoq ”Upernaarsiorfik”. Upernavik illoqarfiit avannarpasinnerpaat ilagaat, qeqertaararpassuillu akornannippoq, qanga inoqarfiusimasut eqqaamioralugit, tamaaniillutik iluliarujussuit, timmissat millionilikkaat, qilalugarlu qernertaq qanillattoruminaatsoq.
Upernavimmi inuuneqalerit, tamaanimi ukiup ilaata qanoq ittuunera apeqqutaatinnagu tamatigut inuunermik pinngortitamillu alutornartorsuarmik misigisaqarnissamut periarfissaqassaatit, - immami angallammi angalanikkut, qajartorluni takusassarsiornikkut, qimusserluni imaluunniit qamuteralalluni angalaarnikkut.
Upernavimmi 20-nik sulisulimmi suleqatigiinni ilaalerit, tassani suleqatinik pikkorissunik, pimoorussaqartunik akuersaartunillu naapinneqassagavit. Tamatuma saniatigut ulluni suliffigisanni suleqatigiissutinik pissarsiaqarsinnaavutit, tassaagavit nunap immikkoortuani illoqarfiit sinnerini, Uummannami aamma Qaanaami innaallagissiorfimmi sulisuusunit sulianut tunngasutut suleqatigiinni ilaasortaasoq.
Nunaqarfinni innaallagissiorfiit illuutillu ingerlatarinissaannut aserfallatsaaliugarinissaannullu akisussaaffeqassaatit.
Annertuumik aalajangeeqataasinnaassaatit, aammalu ulluni suliffiusuni suliamik sunniuteqarnissamut pilersaarusiornissamullu periarfissaqassallutit, minnerunngitsumillu ataatsimoorfitsialammi ilaalissaatit, tassanilu teknikkip tungaatigut assammik suliatsialammik isumaginnittoqartarnissaanik sammisaqartuuvugut.
Pisortarisassat qaninnerpaaq tassaassaaq Upernavimmi Ingerlatsinermut akisussaaffilittut suleqatigiinni pisortaq.
Teknikkimut tunngasut isumaginissaannut, minnerunngitsumillu aserfallatsaaliuinermik suliarisamut tunngatillugit malittarisassiat, najoqqutassiat inatsisaasullu malittarinissaannut isumannaarseqataassaatit.
Pigaartuunermut aaqqiissutini peqataasarsinnaassaatit, aamma angalasoqartarsinnaasassaaq.
Akisussaaffigisatut suliassaqarfinni allannguisoqarsinnaavoq, tassalu tamatumunnga immikkut ittunik piginnaasanik peqassaguit, aammalu piukkunnaammik takutitaqassaguit, annertunermillu piumassuseqarfeqassaguit inuttut ineriartornissamut periarfissaqassaaq.
Pingaarnertut akisussaaffeqarfittut suliassaqarfitit:
·Innaallagissiorfinni ingerlatsivinnik illunillu ingerlatsillunilu aserfallatsaaliuinerit, ilanngullugit ingerlatsivinni suni tamani eqqiluisaarneq saligaatsuutitsinerlu.
·Sillimmatissaatinik nakkutilliineq, aamma ingerlatsivimmi ajoqutinik amigaatinillu nakkutilliinerit, kiisalu toqqortanik isumaginnittarfittut aaqqiissut aqqutigalugu sillimmatissaatinik atugassaqartitsisarneq.
·Ingerlatsinerup pitsanngorsarneranut pitsaanerpaanngorsarneranullu ilalersuuteqartarneq.
·Suleqatigisanik sulianut tunngasunik ilinniartitseqataaneq kajumissaarisarnerlu.
·Ilinniartut (lærlingit) ilinniagaqartinnerini peqataaqataasarneq.
·Aserfallatsaaliuinermut programmit aaqqiissutillu sinnerisa suliassanik iluarsiisarnernut atugaasarnerinik qularnaarisarnerit
·Allaffissorluni suliassanut ilinniartitsiuartarneq.
Makkuninnga piginnaaneqartutit ujarpatsigit:
·Teknikkimut tunngasumik ilinniagaqarsimasoq, soorlu skibsmontøritut, VVS montøritut, innaallagisserisutut, assingusutulluunniit teknikkip tungaatigut tunuliaqutaqarlunilu misilittagaqartoq.
·Sakkunik maskiinanillu assigiinngitsunik ilusilinnik atuisinnaasoq, aammalu maskiinanik oqimaatsunik aserfallatsaaliusarnermik misilittagaqarneq iluaqutaassaaq.
·Motoorinik dieselitortunik (solaaritortunik) anginerusunik aserfallatsaaliuisarnermik misilittagaqartoq (ventilslibning, stempeltræk assingusullu).
·Suliartortarnermigut aalaakkaasoq.
·Namminersuutigisaminik sulisinnaasoq, soorlulusooq suleqatigiinni sulinissamut piginnaasalik.
·Minnerpaamik suussuseq B-mut biilernissamut allagartalik (biilernermut allagartaq nalinginnaq).
·Kalaallisut aamma danskisut oqaatsinik atuisinnaassaguit iluaqutaassaaq.
·(Imarsiorluni) angalanermut pikkorissutsimut uppernarsaateqassaguit iluaqutaassaaq.
Aningaasarsianut atorfinitsitaanermullu atugassarisat:
Atorfinitsitaaneq Naalakkersuisut (Namminersorlutik Oqartussat) aamma attuumassutilittut sulisartut kattuffiata akornanni isumaqatigiissut najoqqutaralugu pissaaq.
Atorfininneq qaammatini pingasuni misilitsiffeqartillugu pissaaq.
Atorfik pillugu paasissutissat erseqqinnerusut uani pissarsiassaapput:
Nunap immikkoortuani pisortaq Ole Karl Poulsen, e-mailikkut: olpo@nukissiorfiit.gl imaluunniit oqarasuaatikkut saaffiginninneq ugguuna: oq. (+299) 52 54 04.
Annermik paasissutissat:
Apeqqutit nalinginnaanerusut HR-imut immikkoortoqarfimmut e-mailikkut uunga nassiunneqassapput: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: septembarip 26.-at, 2025