Sapinngisamik piaarnerpaamik, imaluunniit isumaqatigiissut malillugu atorfinittussamik Nukissiorfiit Nunap immikkoortua Nuuk ilinniagaqarsimasumik ingerlatsinermi sulisumik/toqqorsivimmiumik pissarsiorpoq.
Sulisup pingaarnertut suliassaa tassaavoq Nuummi pingaarnertut toqqorsivimmut, aamma uuttuutinut toqqorsivimmut, kiisalu Qinngutsinni toqqorsivittut inissiisarfimmut akisussaaffeqarneq. Ilinniartitaanerup kingornatigut ingerlatsinermut sulisoq Nuummi pigaartuunermut aaqqiissummi ilaalersinnaassaaq.
Suliassaqarfik:
Suliassat pingaarnertut makkuninnga imaqassapput:
- Toqqorsivimmut pisiortorneq, aamma pisariaqartitsinerit malillugit suliniutit, kiisalu nioqqutinik tigooraanermi misissuinerit
- Nioqqutinik tunniussaqarlunilu tunniunnerinik allattuisarnerit
- Killiffigisamut atatillugu toqqorsivinnik kisitsinerit
- Toqqorsiviit ilusilersorlugillu saligaatsuutinneri
- Pisortamik qaninnerpaamik, aamma Nunap immikkoortuanut Pisortamik suleqateqarluni toqqorsivinnik isumaginnittarnermut malittarisassianik suliaqarnerit.
Suleqat makkuninnga piginnaasalik ujarparput:
- Torersuutitsiniallaqqissoq, imminullu najoqqutassaqartittoq
- Toqqorsivinnik aqutsillaqqissoq
- Toqqorsivinnik aqutsinermik misilittagalik
- Kiffartuusserusullunilu suleqatiginnikkusuttoq
- Namminersortoq eqeersimaartorlu
- Atuisartutut qarasaasialerinermik ilisimasalik, aamma biilersinnaanermut, ajornanngippallu usisaatinut allagartalik
Makkuninnga neqerooruteqarsinnaavugut:
- Atorfik pissanganartoq, sulianut tunngasutut inuttullu ajugaaffigisassartalik
- Ikinngutigiilluarfiusumik sullivimmi avatangiisit isumassarsinarlutillu iluarisimaarnartut
Akissaatitigut atorfinitsitaanermilu atugassarititat
Namminersorlutik Oqartussat pineqartullu isumaqatiginninniarsinnaatitaasutut kattuffiata akornanni isumaqatigiissut atuuttoq najoqqutaralugu aningaasarsiaqarneq, atorfinitsitaanermullu pissutsit.
Atorfik qaammatinik pingasunik misilitsiffeqarpoq.
Atorfimmut sulisumut inissiamik innersuussisoqarsinnaanngilaq.
Annertunermik paasisaqarusuppit?
Nunap immikkoortuani allaffimmi pisortaq Julie Johannesen, oq. (+299) 34 22 79, imaluunniit Nunap immikkoortuanut Pisortaq Henrik Gundersen oqarasuaatikkut saaffiginninnermi, ugguuna oq. (+299) 34 22 82.
Apeqqutit nalinginnaanerusut HR-ip immikkoortoqarfianut saaffiginnissutigeqquneqarput, ukunatigut: hr@nukissiorfiit.gl imaluunniit oq. (+299) 34 95 00.
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: septembarip 5.-at, 2025