Nukissiorfinni atorfiit inuttassarsiuussat tunngaviusumik tamanut ammasumik saqqummiunneqartartussaapput. Taamaaliortussaatitaavugut suliffeqarfiugatta Namminersorlutik Oqartussat ataanni. Taamaaliornikkullu takuneqarsinnaalerpoq atorfiit suut inuttassarsiuunneqarnersut. Nukissiorfiit kissaatigaa sulisinnaalluartumik atorfinitsitsinissaq, taamaammat tamanut ammasumik sulisussarsiorneq ingerlanneqartarpoq.
Taamaakkaluartoq kajumissaarneqarani qinnuteqaatinik tigusaqartarpugut, tamannalu nuannaarutigaarput. Neriorsuisinnaanngilagut qinnuteqaatit suliarisimallugu, kisiannili kajumissaarneqarani qinnuteqaatit akunnermusialinnut, ilinniarnermi saniatigut ikiortitut sulisut aammalu paarlattaasunut atorfinitsitsinermut atorsinnaasarpagut.
Kajumissaarneqarani qinnuteqaatit CV-llu iligukku, nammineerluni atorfiit inuttassarsiuussat saqqumisumut atorfinnut inuttassarsiuussatsinnut ingerlaannartumik ilaatinneqassanngilaq, namminerli qinnuteqartariaqarputit. Attavigisinnaavatsigit maluginiaqquniarlugu atorfimmik nutaamik inuttassarsiuussamik saqqummiussisimalluta.
Kajumissaarneqarani qinnuteqaammik nassiussisimaguit akuerissavat qinnuteqaatit inuttullu paasissutissaatitit pillugit qaammatit afinillit tikillugit toqqoqqasinnaagigut, qaammatit arfinillit qaangiuppata nammineerluni peerneqarnissaata tungaanut.
Nuna tamakkerlugu innaallagissamik, imermik kiassarnermillu pilersuinissaq qulakkeerniarlugu, sulisut assigiinngisitaartumik piginnaanillit ilinniagallillu pisariaqartinneqarput.
Nukissiorfinni sulisugut ilaatigut tassaapput:
- Maskiinalerisut
- Innaallagisserisut
- Ingeniørit
- Allaffimmiut (TNI, NI-AU)
- Aningaasanut tunngasunik suliaqartut
- assassorlutik sulisut
- Qarasaasialerisut
- Immikkut ilisimasallit
- Sivikinnerusumik ilinniagallit
- Ilinniarsimasuunngitsut, kisiannili pikkorissut