Illit pilerigaajuk teknikimut tunngasumik suliatigut ilinniagaqarnissat imaluunniit pilersuinermik aamma nukissiornermik suliaqarusuppit, taava Nukissiorfinni ilinniartunngornissannut periarfissaqarputit. Uagut soqutigiuaannarparput sulisut piginnaasallit aamma piukkunnartut, ilinniakkani makkunani maskiinalerisoq (skibsmontør) ruujorilerisoq aamma innaallagialerisoq.
Suliarisassat:
Uagutsinni ilinniartutut naatsorsuutigisinnaavat assigiinngitsorpassuarnik aamma pissanganartunik suliassaqartarnissat tamakkua, ilinniarninni/atuarfimmiinninni atuagarsornermi ilikkakkavit, piviusumik assassorlutit suliaralugit misilittagaqalertissavaatit. Pisuni amerlasuuni suleqatigisatit naligalugit suliassaannik suleqatigisassavatit, tamatuma kingunerisaanik aammattaaq illit ulluinnarni suliassanik pingaaruteqartunik naammassineqartussanillu suleqataasalissaatit.
Innaallagialerisutut innaallagiatortunik suliaqarnermut ilinniartinneqassaatit, tamanna innaallagissamik-, imermik- aamma kiassaanermik pilersuinermi suliarisartakkat ilagaat. Kiffartuussinermik, aserfallatsaaliuinermik aammattaaq innaallagissamik sakkukitsumik aamma sakkortuumik atortunik aserfallatsaaliuinermik ajortissimasunillu misissuinermik suliaqartassaatit.
Skibsmontøritut ilaatigut suliarisartagassannut illaassapput motoorinik dieselitortunik ingutserineq aamma katitereqqinneq, ruujorilerineq, silaannarmut naqitsinilimmut atortut, atortut hydraulikillit, kiassaateqarfiit, nillataartitsissutit il.il.
Maskinmesteritut ilinniarninni periarfissaqarputit qaammatit qulingiluat sullivimmi sungiusassallutit aammalu qaammatit pingasut bacheloritut sungiusassallutit.
Suliamik/sullivimmilu sungiusartussatut – Suleqatigiit peqatigaluta suliffitsinni pilersaarusiornitsinnipeqataassaatit. Paasilissavat qanoq immitsinnut pinngitsoorsinnaanngitsigaluta, najukkamilu silamik aamma atortussanik pituttugaanerput ilanngullugu. Taamaattumik sulliviup ilinniarfiani ilikkarsimasatit atorfissaqartilissavatit assatillu ipeqalissaqqaarput. Suliassat tamatigoorput aamma sunaluunniit peqataaffigissavat soorlu sakkut nutaat nivinngarfissaat sananeqarneriniit, majuartarfiit qisummik sanaanut, ventili tonsitut oqimaatsigisoq aserfallattaalineqarnissaannut, turbine assersuutigalugu kukkunersiorneqarnissaannut il.il.
Bacheloritut sungiusartutut – periarfissinneqassaatit uagut inerisaanissamik suliarerusutatsinnut. Suliffimmi sungiusarneq ingerlanneqarsinnaavoq nukissiuuteqarnikkut sullivinni sineriammiittuni imaluunniit Nuummi qullersaqarfimmi. Tamaani immikkoortortap ilaattut, ulluinnarnilu suliassat sapaatit akunnerit siulliit ingerlanerini peqataatinneqassaatit, suliffeqarfik ilinniaatigalugu paasiniarsaralugu, sunarpiaq qulequtaralugu, bacheloritut allaaserisassat samminiarnerit.
Ruujorilerisutut soorlu assersuutigalugu ilaatigut suliarisassavatit imermik nioqqutissiornermut aamma siaruarterinermut atortut, illuni taakkununnga attuumassuteqartuni sulineq, VVS-imut atortunik, erngup aqqutaanik aamma ungasianik kiassaanermut aqqutinik aaqqissuussineq aamma aserfallatsaaliuineq.
Sumiiffinni amerlasuuni allalinnik ilinniarfeqarpugut taamaattumik ilinniartullu allat ilisimasasi ingerlateqqissinnaavasi aamma suleqatigiillusi. Taamatuttaaq illit mesterimik attaveqarfeqassaatit, taamatullu suleqatitit suleqatigalugit aamma nammineerlutit sulisassallutit.
Piginnaasat
- Ilinniarfimmi ilinniagassamut attuumassuteqartumi tiguneqarsimaneq imaluunniit aallaartinniarluni pilersaaruteqarneq
- Akisussaassuseqartoq peqqissaartoq
- Suleqatiginnikkusuttoq ilinniagaqarusuttoq aamma oqariartuuteqarnissamut ammasoq
- Aallatitaqarusuttoq, angusaqarusuttoq aamma qanilaartoq
Uagut pilluta
Nukissiorfinni ilinniartutut sulinermi pikkorissuseqarneq, aallartitserusunneq aamma suleqatigiinneq misigissavat. Suleqatit aallussilluartut aamma pikkorissut, ilisimasaminnik ingerlatitseqqerusuttut naapissavatit. Suliffeqarfiuvugut piginnaasanik ineriartortitsinissamik qitiutitsisoq taamaattumik anguniarparput sulisutta suliassaminnik naammassinninnissaminnut piginnaasanik pisariaqartitaminnik pigisaqarnissaat, taamaaliornikkut ineriartornitsinnut tapertaassammata.
Atorfeqartitaanermi atugassarititaasut
Akissarsiat aamma atorfeqartitaanermi atugassarititaasut Kalaallit Nunaanni Naalakkersuisut aamma kattuffiup isumaqatigiinniarsinnaatitaasup akornanni isumaqatigiissutit atuuttut naapertorlugit ingerlanneqassapput.
Ilinniartuunermut atatillugu inissaqartitsisoqanngilaq. Innersuussutigissavarput Kalaallit Nunaanni Ilinniartut Ineqarfiisa Allaffeqarfiat aqqutigalugu kollegiemi ineeqqami/inissannik attartornissamut qinnuteqaateqarnissaq (annertunerusumik atuarit uani: sunngu.gl).
Sulisussarsiorneq una ingerlaavartumik pivoq. Sulilersussatut oqaloqatigiinnissamut aggersarneqarneq ingerlaavartumik ingerlanneqassaaq, tassunga tunngaviussapput inunnik ataasiakkaanik nalilersuineq, piukkunnartup aamma Nukissiorfiit ujartugaasa akornanni tulluartoqarnera. Qinnuteqaateqartut sulilernissatut oqaloqatigiinnermut aggersarneqanngitsut qinnueqaateqarnermik akineqarnissaa naatsorsuutigissanngilaat.