Nukissiorfiit nunap immikkoortua Disko Kangaatsiamut ilinniarsimasumik innaallagisserisussarsiorpoq. Atorfiup piaarnerpaamik inuttalernissaa kissaataavoq. Ulluni suliffiusuni sarfalersuiffiup formandia, aamma innaallagissamik siammarterivimmi suleqatigiinni aqutsisoq qullersarissavatit.
Suleqat namminersuutigisaminik ulluni suliffiusuni, aamma innaallagissamut tunngassutilittut suliassanik isumaginnissinnaasoq, kiisalu Kangaatsiami innallagissamut imermullu tunisassiornermi siammarterinermilu aaqqiissutit ingerlatarinerinut tunngasunik siunnersuisartoq, ilinniartitsisartoq ikiuisartorlu ujarparput.
Ulluni suliffiusuni suliassatit makkuupput:
- Illoqarfiup taassumalu nunaqarfiisa sarfamik sakkukitsumik attaveqarfigisaanik, kiisalu aqquserngit qulliinik ingerlatsillunilu aserfallatsaaliuinerit.
- Illoqarfimmi taassumalu nunaqarfiini SRO-mik ingerlatsivinnik ingerlatsillunilu aserfallatsaaliuinerit.
- Innaallagissamik tunisassiortuusuni siammarterivittullu ingerlatsivinni ingerlatsinermut, aammalu piffissaliussatut aalajangikkatut misissuisarnerit piffissami eqqortumi pilersaarusiornerisa naammassinerisalu qulakkeernissai.
- Sumiiffiusut aamma teknikkikkut ingerlatsiviit isumagineqarluarsimanissaasa, saligaatsuutinnissaasa, aammalu Nukissiorfinnut tulluartumik takusassaatinnissaasa qularnaarnissaat.
- Kangaatsiamut tassungalu nunaqarfiusunut pigaartoqarfimmi ilanngutinnginneranni sulisunik nutaanik ilinniartitsinermut peqataaqataaneq.
- Teknikkikkut uppernarsaanermik, toqqorsivimmillu aqutsinermik nutarsaanermik naleqqussaanermillu isumaginnillunilu ilalersuuteqartarneq.
- Formandip innersuutigisai malillugit siunertanut aalajangersimasunut suliassat isumagineri.
Suleqat ima ittoq ujarparput:
- Innaallagisserisutut ilinniagaqartutut teknikkip tungaatigut ilinniagalik – imaluunniit allatut attuumassutilimmik ilinniagalik, ilanngullugu SRO-mik ingerlatsivinnik ilisimasaqarneq.
- Pigaartuusarnerni pisariaqartitsinerit malillugit ilaasarnissaq.
- Namminersorsinnaasoq, soorlulusooq suleqatigiinni sulisinnaassusilik.
- Nutaaliorlunilu pilersitsiumatooq, killiliiffiusut pinnagit periarfissanik takusisoq.
- Kalaallit aamma danskit oqaasiinik oqalussinnaallunilu allassinnaasoq.
- Biilersinnaanermut allagartalik.
- PC-mut atuisartutut inissisimaffiusumi ilisimasaqartoq.
- Nunap immikkoortuata iluani, soorlulusooq avataani nunap immikkoortuisa sinnerinut, aamma Nuummi qullersaqarfimmi annertungaatsiartumik angalasarnissamut piareersimasoq.
Makku neqeroorutigisinnaavagut:
- Sulianut tunngasunik inuttullu ajugaaffiginiagassanik ulikkaarluni suliffik pissanganartoq
- Sullivimmi avatangiisit isumassarsinarlutillu iluarinnittut, tamaani ikinngutigiilluartoqarluni, kiisalu suliassanut sukumiisumik ilisarititsisoqarlunilu ingerlatarinissaanik paasinnitsitsivittalik
- Suliffeqarfik allanngoriartortoq, sulianut tunngasunik inuttullu ineriartornissamut periarfissatsialalik
- Suliassat tungaasigut suliassaqarfiup iluani pikkorissartitsinerit attuumassutillit, ilanngullugit suliat killeqarfii qaangerlugit pikkorissartitsinerit, nunap immikkoortuata pilersuinermik isumannaallisaanermik pitsaalluinnartumik attassisinnaassusianik nukittorsaasut.
Aningaasarsiat atorfinitsitaanermilu atugassarisat
Aningaasarsiaqarneq Naalakkersuisut aamma pineqartup isumaqatiginninniarsinnaatitaasutut kattuffiata akornanni isumaqatigiissutaasoq najoqqutaralugu pissaaq.
Qaammatini pingasuni atorfik misilitsiffittaqarpoq.
Atorfimmut qaqugumulluunniit atuuttutut malittarisassiat malillugit sulisunut inissiaq pequsersugaanngitsoq innersuutigineqarsinnaavoq. Inimik attartornermut akiliut qularnaveeqqutaasorlu inissiamut innersuussutaasumut tassunga malittarisassiat qaqugumulluunniit atuuttut malillugit akilerneqqassapput. Sulisunut inissiaq atorfinitsitaanermut tunngavoq, soraarnermilu qimanneqassaaq.
Inimik attartornermut akigititaq, aamma inissiap qanoq issusia inissiap pisoqaassusianit, piginnittuusutut pissutsinik il.il. aalajangerneqartumik assigiinngisitaarsinnaavoq. Atajuartussatut sulisunut inissiamik innersuussinissamut utaqqiffissaqarsinnaavoq, taamaattumik utaqqiisaagallartumik najugassiisoqarsinnaalluni, ilanngullugit najugaqatigiiffinni inuttakinnerusuni, imaluunniit akunnittarfinni inissiani, tamakkunanilu akileraarusiisoqartarpoq.
Atorfinitsitaanermi atorfininnermut soraarnermullu angalaneq, aamma pigisanik nuussaqarneq akilerneqassapput, ukiunilu pingasuni ataqatigiissuni atorfeqareernikkut inoqutigiinnut, ilanngullugit meeqqanut 18-iliisimanngitsunut angerlamut angalanissaq akineqassaaq. Qinnuteqartoq Namminersorlutik Oqartussani atorfeqarnermigut sulisunut inissiamik innersuussaareersimassappat sulisunut inissiamut pisinnaatitaaffigisaq pigiinnarneqassaaq.
Annertunerusumik paasisaqarnerorusuppit?
Nukissiorfiit pillugu annertunerusumik paasissutissarsioruit takuuk: www.nukissiorfiit.gl.
Atorfiup imarisai pillugit erseqqinnerusumik paasissutissat Ingerlatsinermut akisussaasutut Suleqatigiinni Aqutsisumut Mads Lundbladimut saaffiginninnikkut pissarsiarineqarsinnaapput, oq. +299 53 62 64. Apeqqutissat allat nalinginnaanerusutut ittut Sulisoqarnermut immikkoortoqarfimmut – HR-imut – saaffiginnissutaasinnaapput: hr-afdelingen@nukissiorfiit.gl
Nukissiorfiit pillugit
Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tamanna pillugu annertunerusumik atuarit uani www.nukissiorfiit.gl.
Qinnuteqarnissamut killissarititaasoq: decembarip 10.-at, 2024