Innaallagissiorfimmut kiassaateqarfiutigisumut suleqatitut Qasigiannguani suleqatigiinnut ilaalernissamut soqutiginnippit?
Qasigiannguani Nukissiorfiup pisariaqartippaatit/si. Imeqarfimmi ulluni suliffiusuni ingerlatsinermut akisussaaffimmik tigusinneqataassaatit, taamaalisukkullu suleqatigiiutitsinnut ilaalerninni aamma Nukissiorfiit Qasigiannguani immikkoortoqarfiit sinnerini suliassanut assigiinngitsorpassuarnut isumaginninnissamut atorneqakulassallutit. Tassaasinnaapput sulisunut allanut taartaasarnernit immikkoortoqarfiit sinnerini siunertanut aalajangersimasunut suliassanik isumaginninnerit.
Suliassatit pingaarnerit tassaapput:
- Ingerlatsivinnik ulluni suliffiusuni misissuisarnerit, kiisalu ingerlatsineq aserfallatsaaliuinerlu
- Iluarsaassinerit, ingerlatsinermik pitsaanerpaanngorsaanerit il.il.
- Suliassanik/aserfallatsaaliuinernik tunngaveqartunik ingerlatsinermut nal. akunnerinik isuginnittarnerit
- Pilersuinerup isumannaassusaanik qularnaareqataaneq
Suliassanik pissanganartunik allarpassuarnik isumaginnittarnissannik naatsorsuuteqarsinnaassaatit. Ilinniartitsinissaq aammalu ineriartornissamut periarfissatsialaat qularnaarpavut. Ilinniartitaanerup kingornatigut suleqatit peqatigalugit pigaartuunermut aaqqiissummi aamma ilaalissaatit.
Suliffimmi misilittakkatit, ilinniagarnikkut tunuliaqutitit soqutiginninnerillu apeqqutaallutik atorfigisanni suliassat imarisaannut sunniuteqarnissamut periarfissaqassaatit.
Makku naatsorsuutigisinnaavatit:
Suleqatinik pikkorissunik, ajornaasaartunik pimoorussaqartunillu inuttallit suleqatigiit assut tamatigoortut/sungiussiasut ilaaffigilissavatit. Ullut suliffigisat sulianut tunngasutut eqimattakkuutaartut, immikkoortoqarfiillu killeqarfii qaangerlugit suleqatigiiffigisagut atugarilissavatit. Tamaani ipput suliassat assigiinngiiaartorpassuit, aamma suleqatit assigiinngitsunik tunuliaqutaqartut. Nukissiorfiit tassaavoq suliffeqarfik savitooq, tamaani sulianut tunngasutut inuttullu ineriartorneq pingaarnersiugaralutigu. Aammalu sulianut tunngasunut pikkoriffigisatsitut, pitsaasutullu suleqatigiinnerput aqqutigalugu iluatsitsineq pinngortittarparput. Taamaalisukkut sulisut assut iluarinartitaannik suliffeqarfiup ilaaffigilernissaa qilanaarisinnaavat – tassaavugummi Kalaallit Nunaanni aamma Danmarkimi suliffeqarfiusuni sulisuminnit iluarineqarnerpaat ilaat.
Ujarpatsigit imatut ittutit:
- Sulianut tunngatillugu attuumassutilimmik ilinniagaqarsimasoq, soorlu skibsmontøritut, mekanikeritut, innaallagisserisutut imaluunniit tamakkununnga assingusumik
- Kisitsisinut IT-mullu pikkoriffeqartoq
- Biilinut nalinginnarnut biilersinnaanermut allagartaqartoq
- Ajornanngippat kiassarnermik pilersuivinnit ilisimasaqartoq – taamaattorli tamanna piumasaqaataanngilaq
Suliassanut isumagisassannut naleqqiullugu nammineq suliffigisannut piffissamik pilersaarusiorsinnaasaatit, taamaalillutit angusassat pitsaanerpaamik tikittassagakku. Kiffartuussinitsigut qaffasissutut inissisimaffitsinnik attassisinnaassaguit atuisartutsinnik suleqateqarninni orniguttartuussaatit.
Aningaasarsianut atorfinitsitaanermilu atugassarititat
Aningaasarsiat atorfinitsitaanermullu atugassarisat isumaqatigiissut attuumassutilik atuuttorlu najoqqutaralugu pissapput.
Qaammatini pingasuni misilitsiffeqarpoq.
Atorfininneq: Sapinngisamik piaarnerpaamik, imaluunniit isumaqatigiissuteqarnikkut.
Atorfimmut atatillugu inissiamik innersuussisoqarsinnaanngilaq.
Tassaavit suleqat ujagarput?
Taava ”Atorfimmik qinnuteqarneq” aqqutigalugu qinnuteqaatit piaarnerpaamik nassiuguk.
Atorfiup imarisaanut atuuffigisaanullu apeqquteqassaguit taava Ingerlatsinermut akisussaaffilittut suleqatigiinni aqutsisoq Henning Lange +299 540266 aqqutigalugu attaveqarfigiuk, imaluunniit mailikkut: hela@nukissiorfiit.gl. Aningaasarsianut atorfinitsitaanermullu atugassarisat pillugit apeqqutit nalinginnaat uunga nassiunneqarsinnaapput: hr@nukissiorfiit.gl.
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: novembarip 28.-at, 2024