Nunap immikkoortuani Avannaani Upernavimmi nunaqarfiinilu Nukissiorfiit innaallagissamik siammarterisarfimmik ingerlatsillunilu aserfallatsaaliuisartussamik innaallagisserisussarsiorpoq. Innaallagissamik siammarterisarfiup ingerlanneranut, pitsaanerpaatitaaneranut aamma ineriartortinneranut sulisut sinneri peqatigalugit innaallagisserisoq suliarinneqataassaaq, aammalu Upernavimmi, aamma nunap immikkoortuata suliffiullu killeqarfii qaangerlugit suleqatigiit iluanni suleqatigiilluarneq pilersinniarlugu suliaqassaaq. Innaallagisserisup Upernavimmi Linieformand-i qaninnerpaatut qullersaraa. Innaallagisserisoq Upernavimmi najugaqartuussaaq.
Sulinermi aamma akisussaaffeqarfigisatut suliassaqarfiit
Suliffiup iluani ingerlattakkat ineriartortitaajuarlutillu malittarineqarnissaannut, kiisalu suliassaqarfinni tamani inatsisaasut atuuttut malittarineqarnissaannut innaallagisserisoq ilalersuuteqassaaq.
Innaallagisserisup makku isumagissavai:
- Innaallagissamik siammarterisarfinnik transformerstationinillu aserfallatsaaliuinerit
- Innaallagissiorfimmi aamma imeqarfimmi innaallagissamut ivertitikkanik aserfallatsaaliuinerit
- Illoqarfimmi aqquserngit qulliinik aserfallatsaaliuinerit
- Innaallagissamut attuumassutilittut siunertamut aalajangersimasumut suliassat assi-giinngitsut
- Uuttortaatit inissisimaffiinik misissuinerit, matusinerit ammaaqqinnerillu
- Uuttortaatinik nalunaarsuisarnerit, kiisalu taakkuninnga inissiisarnerit piiaasarnerillu
- Liniemut immikkoortumut ingerlatsinermi paasissutissanik nalunaaruteqartarnerit
- Ingerlatsifinnik paasissutissanik nalunaarsuinerit, aamma liniemut immikkoortumut Arcgis’imi uppernarsaanerit
Makkuninnga isumaginnissinnaasumik suleqatissarsiorpugut:
- Pisariaqartitsinerit malillugit pigaartuni ilaasarsinnaasoq
- Koblingspersonitut, ajornanngippat koblingslederitut ilinniagaqarsimasoq
- Suleqatiginnikkusuttoq
- Sulisoq tatiginnittoq aalaakkaasorlu
- Namminersuutigisaminik kinguneqartitsisumillu eqqarsarsinnaasoq
Ilinnut neqeroorutigisinnaavavut:
- Suliffik pissanganartoq akisussaaffittalik, suleqatigiittut savituutut peqatigiilluta suleqatigiiffigisarput
- Suliffimmi avatangiisit isumassarsinarlutillu iluarinnittuusut, suliassarisanut sukumiisumik saqqummiussinissamut isumaginnitsitaalernissamullu periarfissallit
- Suliffeqarfik ineriartortitaasoq, inuttut sulianullu tunngasunik ineriartortitaanermut periarfissatsialannik pilik
Akissaatitigut atorfeqartitaanikkullu atugassarititat
Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.
Atorfinitsitineq qaammatini pingasuni misiliutitaqassaaq.
Ulloq atorfiniffissaq 01/12-2024.
Atorfimmut atatillugu inissamik innersuussisoqarsinnaanngilaq.
Annerusumik paasissutissat
Atorfiup imarisaanut atuuffigisaanullu apeqquteqassaguit taava nunap immikkoortuani pisortaq Ole Karl Poulsen oqarasuaammut (+299) 52 54 04-mut attaveqarfigiuk imaluunniit email-ikkut olpo@nukissiorfiit.gl . Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Tassaavit suleqat ujagarput?
Taava ”Atorfimmik qinnuteqarneq” aqqutigalugu qinnuteqaatit piaarnerpaamik nassiuguk.
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: novembarip 25.-at, 2024